ანა კობახიძე: მოახლოებული საპრეზიდენტო არჩევნები ჩატარდება მიკერძოებლად და არასამართლიანად

ანა კობახიძე: მოახლოებული საპრეზიდენტო არჩევნები ჩატარდება მიკერძოებლად და არასამართლიანად

პოლიტიკური პლატფორმა - "ახალი საქართველოს" წარმომადგენელი ცენტრალურ საარჩევნო კომისიაში, განცხადებას ავრცელებს და პოლიტიკურ პარტიებსა და არასამთავრობო ორგანიზაციებს მიმართავს. ანა კობახიძე, 2017 წელს,  საარჩევნო კოდექსში განხორცილებელულ ცვლილებებს არასამართლიანს უწოდებს და მოახლოებული არჩევნებისთვის, სამუშო ჯგუფის შექმნას ითხოვს.

ანა კობახიძის განცხადებით, ე.წ ნეიტრაული წევრების გარდა "ქართული ოცნება" ყველა დონის საარჩევნო კომისიაში 3 წევრით არის წარმოდგენილი, ხოლო სხვა საპარლამენტო ოპოზიციური პარტიები თითო-თითო წევრით, რაც "ახალი საქართველოს" წევრის თქმით, დაუშვებელია.

"უკანასკნელი 2 წლის განმავლობაში, საკონსტიტუციო  და  ორგანული კანონის "საარჩევნო კოდექსში" შეტანილი ცვლილებები, ოპოზიციას  უტოვებს განცდას, რომ მოახლოებული საპრეზიდენტო არჩევნები ჩატარდება მიკერძოებლად და არასამართლიანად.

ჩვენ მივმართავთ და მოვუწოდებთ ადგილობრივ და საერთაშორისო ორგანიზაციებს, ასევე პოლიტიკურ პარტიებს, შედგეს სამუშაო ჯგუფი და რაც შეიძლება სწრაფად მოხდეს  საარჩევნო კოდექში შესატანი ცვლილებების ინიცირება. სახელისუფლებო პარტიის მიერ, სრულად კონტროლირებული საარჩევნო ადმინისტრაციის პირობებში, 2018 წლის საპრეზიდენტო არჩევნები არ იქნება გამჭირვალე", - განაცხადა ანა კობახიძემ.

ქობულია: ბლოკჩეინთან დაკავშირებით საქართველო უკვე არის მსოფლიო რუკაზე

ქობულია: ბლოკჩეინთან დაკავშირებით საქართველო უკვე არის მსოფლიო რუკაზე

8 საათის წინ

"ძალიან მნიშვნელოვანია, რომ ბლოკჩეინთან დაკავშირებით  საქართველო უკვე არის მსოფლიო რუკაზე. ჩვენ ვართ ერთ-ერთი ქვეყანა, სადაც საკმაოდ დიდი ინვესტიციები განხორციელდა ციფრული მაინინგის სფეროში, რადგან გვაქვს ძალიან ხელსაყრელი პირობები...