თიბისი ბათუმსა და ქუთაისში "100 წელი საქართველოს I დემოკრატიული რესპუბლიკის დაარსებიდან" უმასპინძლებს

თიბისი ბათუმსა და ქუთაისში "100 წელი საქართველოს I დემოკრატიული რესპუბლიკის დაარსებიდან" უმასპინძლებს

26 მაისს, საქართველოს დამოუკიდებლობის 100 წლის იუბილეს აღსანიშნავად თიბისი ბანკის ბათუმისა და ქუთაისის გალერეები გამოფენას - "100 წელი საქართველოს I დემოკრატიული რესპუბლიკის დაარსებიდან" უმასპინძლებენ. ამის შესახებ ინფორმაციას თიბისი ბანკი ავრცელებს.

ბანკის ორ საგამოფენო სივრცეში ჟურნალ "ინდიგოს" მიერ შეგროვებული 1918-2018 წლების, დამოუკიდებელი საქართველოს ისტორიის მნიშვნელოვანი ფაქტების ამსახველი ფოტოები იქნება წარმოდგენილი.

ჟურნალმა "ინდიგო" დამოუკიდებლობის დღესთან დაკავშირებით 100 ფოტო შეაგროვა, ქართულ-ინგლისური აღწერილობები დაურთო და ერთ გამოცემაში - "100 წელი - 100 ფოტო" გააერთიანა. პუბლიკაციაში დაბეჭდილია საქართველოს ეროვნული არქივის კინოფოტოფონოდოკუმენტების ცენტრალურ არქივში, ქართული ლიტერატურის სახელმწიფო მუზეუმში, საქართველოს პარლამენტის ეროვნულ ბიბლიოთეკასა და კერძო არქივებში მოპოვებული ფოტომასალა. კატალოგში ასევე გამოყენებულია გურამ წიბახაშვილის, გოგა ჩანადირის, ლევან ხერხეულიძის, დარო სულაკაურის, დათო როსტომაშვილის, მარიკა ქოჩიაშვილის, ირაკლი გედენიძის, ბესო გულაშვილის, გიორგი გოგუას, ლევან ვერძეულის, თაკო რობაქიძის, ლაშა ცერცვაძისა და გლებ გარანიჩის ფოტოები. გამოფენაზე წარმოდგენილი ფოტოები სწორედ აღნიშნული კატალოგიდან შეირჩა.

ფოტოებით მოყოლილი ისტორიული ციკლი 1918 წლის 26 მაისით იწყება, როდესაც ეროვნულმა საბჭომ ერთხმად მიიღო საქართველოს დამოუკიდებლობის აქტი და დროებითი მთავრობის პირველ თავმჯდომარედ ნოე რამიშვილი დასახელდა და საქართველოსთვის ფრანკფურტის წიგნის საერთაშორისო ბაზრობის საპატიო სტუმრის სტატუსის მინიჭებით სრულდება.

გამოფენების პარალელურად, დამოუკიდებლობის დღის აღსანიშნავად აღნიშნული ფილიალების შენობებზე საქართველოს დროშა გადმოიფინა. ექსპოზიციის დათვალიერება მსურველებს  26 მაისს, 15:00-დან 18:00 საათამდე შეეძლებათ. მისამართი: ქუთაისი, აღმაშენებლის მოედანი 2/ ბათუმი, ზუბალაშვილის 37.

ეროვნული ბანკი "ფინანსური ჩართულობის გლობალური დაჯილდოების" ფინალისტად დასახელდა

ეროვნული ბანკი "ფინანსური ჩართულობის გლობალური დაჯილდოების" ფინალისტად დასახელდა

21 ივნისი, 2018

საქართველოს ეროვნული ბანკი 2018 წლის ფინანსური ჩართულობის გლობალურ დაჯილდოებაზე (Global Inclusion Awards) "ქვეყნის ჯილდოს" კატეგორიაში ფინალისტად მეორედ დასახელდა. ფინანსური ჩართულობის გლობალური დაჯილდოება ახალგაზრდა თაობის ფინანსური განათლებისა და...