ანსამბლი "ნანინა" საჩხერეში კონცერტს გამართავს

ანსამბლი "ნანინა" საჩხერეში კონცერტს გამართავს

19 მაისს 16:00  საათზე ქალთა ფოლკლორული ანსამბლი "ნანინა" ობოლა ციმაკურიძის სახელობის საჩხერის კულტურის ცენტრში კონცერტს გამართავს. კონცერტში მონაწილეობენ საქართველოს ფოლკლორის სახელმწიფო ცენტრის საჩხერის სალოტბარო სკოლის მოსწავლეები. კონცერტი ტარდება Check-in Georgia-ს ფარგლებში, საქართველოს ფოლკლორის სახელმწიფო ცენტრის ორგანიზებით, საქართველოს ტურიზმის ეროვნული ადმინისტრაციისა და საქართველოს კულტურისა და სპორტის სამინისტროს მხარდაჭერით. ამის შესახებ ინფორმაციას ტურიზმის ეროვნული ადმინისტრაცია ავრცელებს.

ანსამბლმა "ნანინამ" ერთ-ერთმა პირველმა მიჰყო ხელი ქართველ ქალთა ტრადიციული რეპერტუარის შესრულებას. ანსამბლი 2003 წელს  შეიქმნა. მისი ხელმძღვანელია ეთნომუსიკოლოგი, საქართველოს ფოლკლორის სახელმწიფო ცენტრის ხალხური მუსიკის მიმართულების კოორდინატორი თეა კასაბური.

"ნანინას" თითქმის ყველა წევრი პროფესიით ეთნომუსიკოლოგია. ისინი ექსპედიციებში იწერენ და უშუალოდ ეთნოფორთაგან შეისწავლიან ხალხურ სიმღერებს, ფერხულებსა და დასაკრავებს, არქივებში ეძებენ და აცოცხლებენ ქართველ ქალთა ტრადიციული შემოქმედების უნიკალურ ნიმუშებს.

"ნანინას" მდიდარი შემოქმედებითი ბიოგრაფია აქვს: ორი აუდიოალბომი (2008 და 2016), 20-მდე სოლო კონცერტი საქართველოსა და საზღვერგარეთ, მონაწილეობა ადგილობრივ და საერთაშორისო ფესტივალებში, რადიო და ტელეპროექტებში. ,,ნანინამ" 2014 წელს კულტურულ-საგანმანათლებლო პროექტი განახორციელა აჭარაში - ბათუმსა და ქედაში.

ანსამბლის რეპერტუარი საქართველოს თითქმის ყველა კუთხეს მოიცავს. "ნანინელები" მღერიან, ცეკვავენ, აბამენ ფერხულს, უკრავენ საკრავებზე (ფანდური, ჩონგური, ჩანგი, ჭუნირი, გარმონი, დაირა, გიტარა). მათი კონცერტები გამოირჩევა მრავალფეროვნებით, უშუალობით, სისადავით, ხალისითა და სანახაობრიობით.

ანსამბლი 2015-2016 წლების საქართველოს ფოლკლორის ეროვნული ფესტივალის პრიზიორია. 15 აპრილიდან 30 სექტემბრამდე საქართველოს ფოლკლორის სახელმწიფო ცენტრის ორგანიზებით, საქართველოს ტურიზმის ეროვნული ადმინისტრაციისა და საქართველოს კულტურისა და სპორტის სამინისტროს მხარდაჭერით, Check-in Georgia-ს ფარგლებში, ექვსი თბილისური ანსამბლი - "ადილეი", "ანჩისხატი", "დიდგორი", "იალონი", "ნანინა", "შავნაბადა" - საქართველოს 30 მუნიციპალიტეტში ხუთ-ხუთ კონცერტს გამართავს.

ფესტივალზე თბილისურ ანსამბლებთან ერთად კონცერტებში მონაწილეობენ საქართველოს ფოლკლორის სახელმწიფო ცენტრის ადგილობრივი სალოტბარო სკოლის მოსწავლეები.

ჯიპიაის "მცირე ბიზნესის მხარდაჭერის პროექტი" და სპეციალური შეთავაზება ღვინის მარნებს

ჯიპიაის "მცირე ბიზნესის მხარდაჭერის პროექტი" და სპეციალური შეთავაზება ღვინის მარნებს

21 ივნისი, 2018

"ჯიპიაი ჰოლდინგმა" მცირე ბიზნესის განვითარების ხელშეწყობის მიზნით, კიდევ ერთი სოციალური პროექტი დაიწყო - "მცირე ბიზნესის მხარდაჭერის პროექტი", რომელიც გასული წლის "მცირე და საშუალო ბიზნესის განვითარების ხელშწყობის პროგრამის"...