მესნერი: დამატებითი ჰიდროენერგია აუცილებელია სვანეთის და ადგილობრივი მოსახლეობისთვის

მესნერი: დამატებითი ჰიდროენერგია აუცილებელია სვანეთის და ადგილობრივი მოსახლეობისთვის

"ძალიან მნიშვნელოვანია რომ იმ ადამიანებს, რომლებიც მთაში საუკუნეების განმავლობაში ცხოვრობენ, მიეცეთ შესაძლებლობა კვლავაც საკუთარ საცხოვრებელ ადგილზე დარჩნენ. ასევე აუცილებელია ტურიზმის განვითარება, რათა ამ ხალხს სოფლის მეურნეობასთან ერთად შემოსავლის დამატებითი წყარო მიეცეს", - განაცხადა ცნობილმა მთამსვლელმა რაინჰოლდ მესნერმა სვანეთში ვიზიტისას, სადაც "კავკასიის მთის ცენტრისთვის" შერჩეული ტერიტორია დაათვალიერა.

"ტურიზმის განვითარებისთვის აუცილებელია, რომ ადამიანები დარჩნენ მთაში, ხოლო, თავის მხრივ, ტურიზმი ავითარებს ცხოვრებისთვის საჭირო ეკონომიკურ პირობებს. ჰიდროსადგურები (ჰიდროენერგია) ამ პროცესის განუყოფელი ნაწილია. ჩვენ ვიყენებთ ელექტროენერგიას და დამატებითი ჰიდროენერგია აუცილებელია სვანეთის და ადგილობრივი მოსახლეობისთვის. ეს ენერგიის ყველაზე სუფთა წყაროა, რაც გვაქვს. ეს ჩემი პირადი, პოლიტიკური შეხედულებაა", - აცხადებს მესნერი.

"ნავთობი და ბენზინი 20-30 წელიწადში წარმოუდგენლად ძვირი იქნება და თუ ჩვენ ჰიდროენერგიას არ გამოვიყენებთ, როგორ შევძლებთ გადარჩენას თანამედროვე მსოფლიოსა და ეკონომიკაში?!", - განაცხადა იტალიელმა მთასვლელმა.

ლეგენდარულმა იტალიელმა მთამსვლელმა საქართველოში, კერძოდ, მესტიაში მსოფლიოში "კავკასიის მთის ცენტრის“ შექმნის გადაწყვეტილება გასულ წელს, პრემიერ-მინისტრ გიორგი კვირიკაშვილთან შეხვედრის შემდეგ მიიღო. ამჯერად ის სვანეთში "მთის კურორტების განვითარების კომპანიის" ხელმძღვანელთან, ალექსანდრე ონოფრიშვილთან ერთად იმყოფებოდა. "კავკასიის მთის ცენტრი", რომელიც სვანეთში აშენდება, მესნერის მუზეუმების ქსელის შემადგენელი ნაწილი იქნება.

m2-ის მხარდაჭერით ეროვნულ ბიბლიოთეკაში ვაჟა-ფშაველას სამკითხველო გაიხსნა

m2-ის მხარდაჭერით ეროვნულ ბიბლიოთეკაში ვაჟა-ფშაველას სამკითხველო გაიხსნა

13 ივლისი, 2018

საქართველოს ეროვნულ ბიბლიოთეკაში ვაჟა-ფშაველას სამკითხველო და ახალი სარეგისტრაციო სივრცე გაიხსნა. მათი შექმნა კომპანიამ "m2 უძრავი ქონება" დააფინანსა. სამკითხველოში წარმოდგენილი იქნება ვაჟა-ფშაველას ნაწარმოებების უიშვიათესი, ავტორის...