თბილისში ხვალ  საქართველო-ბელარუსის ბიზნეს-ფორუმი გაიმართება

თბილისში ხვალ საქართველო-ბელარუსის ბიზნეს-ფორუმი გაიმართება

საქართველოსა და ბელარუსის სავაჭრო-სამრეწველო პალატების ორგანიზებით, 2018 წლის 22 მარტს, 10:30-ზე,  სასტუმრო Courtyard Marriott-ში  საქართველო-ბელარუსის ბიზნეს-ფორუმი გაიმართება. ბიზნეს-დელეგაცია საქართველოში ბელარუსის რესპუბლიკის პრეზიდენტის, ალექსანდრ ლუკაშნკოს  ვიზიტის ფარგლებში ჩამოვიდა.

ბიზნეს-ფორუმს  საქართველოს პირველი ვიცე პრემიერი, ეკონომიკისა და მდგრადი განვითარების მინისტრი  დიმიტრი ქუმსიშვილი, ბელარუსის რესპუბლიკის პრემიერ-მინისტრის მოადგილე მიხაილ რუსი, საქართველოს სავაჭრო-სამრეწველო პალატის პრეზიდენტი  ნინო ჩიქოვანი და ბელარუსის სავაჭრო-სამრეწველო პალატის თავმჯდომარე  ვლადიმერ ულახოვიჩი გახსნიან.

ფორუმის ფარგლებში დაგეგმილია ქალაქ მინსკის ბიზნეს-სექტორისა და საქალაქო აღმასრულებელი კომიტეტის წარმომადგენლების შეხვედრა სექტორულ ქართულ კომპანიებთან  და ბელარუსული პროდუქციის გამოფენა.

ღონისძიებაში მონაწილეობას იღებს 100-მდე ბელარუსული კომპანია. ისინი  დაინტერესებულნი  არიან საქართველოში პარტნიორების მოძიებით და წარმოადგენენ შემდეგ სექტორებს: კვების მრეწველობა, მანქანა-დანადგარების წარმოება, მშენებლობა, ლოგისტიკა და ტურისტული სააგენტოები.

ფორუმზე მონაწილეობის მისაღებად საქართველოს სავაჭრო-სამრეწველო პალატაში დარეგისტრირდა საქართველოს ბიზნეს-სექტორის 190-მდე წარმომადგენელი.

გარდა გახსნის ღონისძიებისა  და ორმხრივი შეხვედრებისა, ფორუმის ფარგლებში ქართულ და ბელარუსულ კომპანიებს შორის 29 ხელშეკრულება გაფორმდება, რომელთა საერთო ღირებულებაც 9 მილიონ აშშ. დოლარამდეა.

10 სარგებელი ლუდის მოყვარულთათვის

10 სარგებელი ლუდის მოყვარულთათვის

4 საათის წინ

წარმოგიდგენთ 10 მიზეზს თუ რატომ არის ლუდი ზომიერად მოხმარების შემთხვევაში სასარგებლო თქვენი ჯანმრთელობისთვის. გთხოვთ გაითვალისწინოთ, რომ  ეს სტატია არ არის სმისკენ მოწოდება, განსაკუთრებით იმ შემთხვევაში, თუ საერთოდ არ მიირთმევთ...