Instagram-ი წაშლის აქტივობებს, რომლებსაც სხვა პროგრამები აუდიტორიის ხელოვნურად გასაზრდელად იყენებს

14

სოციალური ქსელი Instagram წაშლის იმ “ლაიქებს”, ხელმოწერებსა და კომენტარებს, რომლებიც სხვა პროგრამების მეშვეობით არის განხორციელებული. ამის შესახებ შესაბამისი ინფორმაცია კომპანიის ოფიციალურ ვებ-გვერდზე ვრცელდება.

“არც ისე დიდი ხნის წინ ჩვენ დავინახეთ ექაუნთები, რომლებსაც იყენებს სხვა პროგრამები, რათა ხელოვნურად გაზარდონ თავიანთი აუდიტორია”, – ნათქვამია განცხადებაში.

სოციალურ ქსელში შეიმუშავეს საშუალება, რომლის მეშვეობითაც გამოაშკარავდება მსგავსი ექაუნთები და წაიშლება მათ მიერ განხორციელებული აქტივობები. კომპანიაში აგრეთვე აღნიშნავენ, რომ მსგავსი ხელმოწერები, კომენტარები და „ლაიქები“ ეწინააღმდეგება Instagram-ის წესებს.

მომხმარებლები, რომელთა შესახებაც Instagram დაეჭვდება, რომ ხელოვნურად მუშაობს აუდიტორიის გაზრდაზე, მიიღებენ შეტყობინებას იმის შესახებ, რომ სოციალური ქსელი წაშლის მათ აქტივობებს. გარდა ამისა, მათ მიუვათ შეთავაზება პაროლის გამოცვლის შესახებ.

Instagram-მა აქამდეც წაშალა ყალბი გვერდები, მაგრამ ეს პირველი შემთხვევაა, როდესაც კომპანიამ აღნიშნულ პრობლემასთან დაკავშრებით საჯაროდ განაცხადა.

Comments
Loading...