ყირიმელებს Visa და MasterCard აღარ მოემსახურება

14 აგვისტოდან ყირიმს საერთაშორისო გადახდის სისტემები Visa და MasterCard, რომელსაც  «ГЕНБАНК» უშვებს, აღარ მოემსახურება. ამის შესახებ ყირიმის გეერალური ბანკის ოფიციალურ საიტზეა ნათქვამი.

ორგანიზაციაში ასევე აღნიშნეს, რომ «Мир»-ის ბარათები, მათ შორის უკონტაქტო გადახდის ფუნქციით, უფასოდ გაიცემოდა Visa-ისა და MasterCard-ის ნაცვლად. 

გენერალური ბანკი ქოლ-ცენტრის სპეციალისტი აცხადებს, რომ გეენრალური ბანკი «Мир»-ის ბარათებზე იანვრიდან გადავიდა.

გენერალური ბანკი – ყირიმში მეორეა საბანკო ქსელების მიხედვით РНКБ ბანკის შემდეგ.  ТАСС-ის მონაცემებით, გნერალური ბანკი , ყირიმში, ერთადერთი ორგანიზაციაა, რომელიც Visa-სა და MasterCard-ს უშვებდა. 

გენერალური ბანკის თანამშრომელი, ანონიმურობის დაცვით, რუსეთის ბიბისი-ს განუცხადა, რომ აღნიშნული ბარათებზე მოთხოვნა რამოდენიმე წლის განმავლობაში მცირდებოდა. 

2014 წლის დეკემბერში აშშ-მა, რუსეთის მიერ ყირიმის ანექსიის გამო, რუსეთის წინააღმდეგ შემოიტანა სანქციები და თავის კომპანიებს ყირიმში ბიზნესის წარმოება აუკრძალა. 

თავდაპირველად, ყირიმის ბანკების მომხმარებლები ვერ იყენებდნენ ბარათებს რუსეთის ფედერაციის სხვა ტერიტორიაზე , ხოლო ყირიმის გარეთ აღებული საკრედიტო ბარათებით მომხმარრებლები ყირიმის ტერიტორიაზე ვერ სარგებლობდნენ. 2015 წლიდან, ყველა ბანკი, რომელიც Visa  MasterCard-თან მუშაობდა, საგადასახადო ბარათების ნაციონალურ სისტებას შეუერთდნენ. Visa და MasterCard ჩართეს შიდარუსულ ტრანზაქციებში, ამიტომ აღნიშნული ბარათები მუშაობდა ყირიმშიც.