თორნტონი: გაცხადებული ეკონომიკური ზრდის მიუხედავად, ეს არ ასახულა საზოგადოების განწყობაზე

62

ეროვნულ-დემოკრატიული ინსტიტუტისა (NDI) და CRRC საქართველოს მიერ დღეს გამოქვეყნებული კვლევა ეკონომიკურ მდგომარეობასთან, გარემოს დაცვასთან და პოლიტიკურ კლიმატთან მიმართებაში მოსახლეობის მზარდ უკმაყოფილებაზე მიუთითებს.

კვლევის თანახმად, წამყვან ეროვნულ საკითხებად კვლავ ეკონომიკური თემები რჩება: სამუშაო ადგილები, სიღარიბე და ფასების ზრდა. მოსახლეობის მხოლოდ 3 პროცენტი აფასებს საქართველოს ეკონომიკის მდგომარეობას "კარგად". გარდა ამისა, რესპოდენტების 59 პროცენტი აღნიშნავს, რომ გასულ თვეში არც ერთი ანაზღაურებადი დღე უმუშავია.

მოქალაქეებს სურთ, რომ სახელმწიფო ბიუჯეტი უმთავრესად ჯანდაცვას, განათლებას, პენსიებსა და სოციალურ დახმარებას მოხმარდეს. ამისთვის ისინი მზად არიან, რომ დაფინანსება საგარეო ურთიერთობებს, პოლიციას და მცირე და საშუალო ბიზნესების დახმარებას მოაკლდეს.

"გაცხადებული ეკონომიკური ზრდის მიუხედავად, მოქალაქეების უმრავლესობა ქვეყნის ეკონომიკურ მდგომარეობას პესიმისტურად აფასებს. როგორც ჩანს, ეს ეკონომიკური ზრდა არ ასახულა საზოგადოების განწყობაზე," – განაცხადა NDI-ის საქართველოს ოფისის დირექტორმა, ლორა თორნტონმა.

Comments
Loading...