არჩილ თაბაგარი: კერძო საკუთრებას თუ ჩამოვშლით, ბიზნესის განვითარებაზე საუბარი აღარ იქნება!

5

არჩილ კბილაშვილი ძალიან მძიმე სამართლებრივ მდგომარეობაშია, მისი იურიდიული პოზიცია სავალალოა!”,-ამის შესახებ „ღვინის ქარხანა N1-ის“ ადვოკატმა, არჩილ თაბაგარმა „ღვინის ქარხანა #1-ის“ საქმეზე საუბრისას განაცხადა.

ადვოკატის, არჩილ თაბაგარის თქმით, “სავანე ღვინის #1 ქარხნის“ ინტერესების დამცველი, საქართველო ყოფილი მთავარი პროკურორი არჩილ კბილაშვილი მძიმე სამართლებრივ მდგომარეობაშია.

ამასთან, სასამართლო პროცესის მიმდინარეობისას, თბილისის სააპელაციო სასამართლოს მიმდებარედ “ღვინის ქარხანა #1-ის” მხარდამჭერები იყვნენ მობილიზებულები ტრანსფარენტებით წარწერით – ” ხელები შორს კერძო საკუთრებისგან”.

„დღეს სასამართლომ ჩართო საქმეში ახალი მტკიცებულება, რომლის შესახებ ჩვენ გვქონდა წინა დღეებში საუბარი. ეს მტკიცებულება ერთმნიშვნელოვნად ადასტურებს რომ სარჩელი არის აბსოლუტურ ტყუილზე დაფუძნებული, რასაც ჩვენ ვამბობდით და უკვე სასამართლომ მიანიჭა მტკიცებულებითი მნიშვნელობა. რაც იმას ნიშნავს, რომ გამოკვლეული უნდა იყოს საქმეზე.

ამ მტკიცერბულების შინაარსი კი მგომარეობს შემდეგში, გამოაშკარავდა, რომ ეგრეთ წოდებული დაზარალებული რეალობაში არ არსებობს.

ეგრეთ წოდებულმა დაზარალებულმა 7 წლით თავისუფლება აღკვეთილი გიორგი მგალობლიშვილი თავისი სურვილით გაათავისუფლა პასუხისმგებლობისგან, იმ საფუძვლით რომ თურმე, მას არ მიუყენებია ზიანი. აქედან გამომდინარე, რა თქმა უნდა, ჩვენი მოლოდინი რომ ეს მტკიცებულება იქონიებს გარდამტეხ მნიშვნელობას საქმისთვის მაღალია.

რაც შეეხება არჩილ კბილაშვილის პოზიციას ის ძალიან მძიმე სამართლებრივ მდგომარეობაშია. მე როგორც აღვნიშნე დროის ერთ მონაკვეთში ის იცავდა ერთ ქონების მიმთვისებელს გიორგი მგალობლიშვილს, მეორე მონაკვეთში იცავდა მეორე მიმთვისებელ კორპორაციას, დროის მესამე მონაკეთში აღმოჩნდა დაზარალებულის ინტერესების დამცველი.

მე ინტერესთა კონფლიქტზე არ ვსაუბრიობ, კეთილსინდისიერების ჭრილში, ეს ძალიან მნიშვნელოვანია და მინდა იცოდეს საზოგადოებამ, რომ ყველა უფლება უნდა განხორციელდეს კეთილსინდისიერად. არ შეიძლება კეთილსინდისიერი იყო, როცა მოვლენის ერთ მონაკვეთს აფასებ ქონების მითვისებად, თაღლითობად, მეორე მონაკვეთში აფასებდე საწინააღმდეგოს. მე მისი იურიდიული პოზიცია სავალალო მგონია.”,-ამბობს თაბაგარი.

არჩილ თაბაგარის თქმით, „სავანე ღვინის ქარანა #1-ის“ სარჩელი უსაფუძვლო და სიცრუეზე აგებულია.

„ჩვენ ვართ იმ მოცემულებაში რომ ვალდებული ვართ ვისაუბროთ ამ საკითხზე რადგან წარმდგენილია უსაფუძვლო სარჩელი. არამარტო უსაფუძვლო დადასტურებულად შემიძლია გითხრათ, ტყუილზე აგებული სარჩელი. 5 წლის განმავლობაში გვატარებენ ტყუილზე აგებული ისტორიით სასამართლოში და გვიწევს იმის მტკიცება რომ ჩვენ არავის ქონება არ მიგვითვისებია.

24 ოქტომბერს ჩაინიშნა შემდეგი სასამართლო პროცესი. მე მგონია რომ ყველა ლოგიკით უნდა დასრულდეს წარმატებით. რადგან სასამართლო ვერ შეეხება იმ ფუნდამენტს, რაზეც დგას ქვეყნის განვითარება. ქვეყნის განვითარება კი შეიძლება იდგას მხოლოდ თავისუფალ ეკონომიკასა და თავისუფალ ბიზნესსზე და ჩვენ თუ ჩამოვშლით კერძო საკუთრებას არანაირი ბიზნესის განვითარებაზე საუბარი აღარ იქნება.“,-განაცხადა თაბაგარმა.

ამასთან, დღეს კომენტარი გააკეთა ჟურნალისტებთან სავანე ღვინის #1 ქარხნის“ ინტერესების დამცველმა, საქართველო ყოფილმა მთავარმა პროკურორმა არჩილ კბილაშვილმა.

არჩილ კბილაშვილის თქმით, „ღვინის ქარხანა #1-ის“ საქმეში მათი სარჩელი დაკმაყოფილებას იმსახურებს:

„ჩვენ ვთვლით რომ ჩვენი სარჩელი იმსახურებს დაკმაყოფილებას. რა შედეგი იქნება მაგას ვერ გეტყვით. ის რომ იმსახურებს და დარწმუნებული ვართ იმ პოზიციაში რაც სარჩელში დავაფიქსირეთ ეს ერთი საკითხია. ეს რწმენა მაქვს“,-ამბობს კბილაშვილი.

შეგახსენებთ: “ღვინის ქარხანა #1-ის“ საქმეზე სასამართლო დავა 2015 წლიდანდაიწყო.

ქონების უკან დაბრუნებას ის ხალხი ითხოვდა, ვინც ტერიტორიას 2004 წლამდე ფლობდა და დაკარგა, ამის შემდეგ ღვინის უძველესმა ქარხანამ ათამდე მესაკუთრე გამოიცვალა.

თბილისში, პეტრიაშვილის ქ.#1ში მდებარე ღვინის ქარხნის ისტორიული შენობადღევანდელმა მესაკუთრეებმა საქართველოში მოქმედი ორი ყველაზე მსხვილიკომერციული ბანკისაგან გამოისყიდეს.

2014 წლის დეკემბერში ღვინის ქარხნის შემძენების – შპს “არტ ღვინოს” – მიმართ თბილისის საქალაქო სასამართლოში დაიწყო სამოქალაქო დავა. მოსარჩელე – სააქციო საზოგადოება “სავანე ღვინის #1 ქარხანა”. მისი წარმომადგენლად აღნიშნულ დავაში საქართველოს ყოფილი მთავარი პროკურორი არჩილ კბილაშვილი ჩაერთო.

„ღვინის ქარხანა #1ის“ მესაკუთრეების მიერ ორ ინსტანციაში მოგებულისასამართლო პროცესების შემდეგ საქმე კვლავ დაბრუნდა სააპელაციოსასამართლოში, დავაში წლები გადის და ამ დროისთვის საქართველოსპირველი ღვინის ქარხანა დაყადაღებულია.

Comments
Loading...